Þór var einfaldlega bara betra liðið og var vörnin hjá BÍ/Bolungarvík í miklu basli.

Vestfirðingar voru vel inni í leiknum þar til Fabian Broich fékk dæmda á sig vítaspyrnu. Fabian kýldi Jóhann Helga þegar hann ætlaði að kýla boltann í burtu og eftir það var aldrei spurning um það hvoru meginn sigurinn myndi enda.

Þórsarar eru komnir með 6 stig eftir að hafa unnið sinn annan leik í röð og þeir ætla klárlega að vera með í baráttunni í sumar um sæti í Pepsi-deildinni. BÍ/Bolungarvík eiga aftur á móti langt sumar framundan en Vestfirðingar náðu þó að skora í dag.

Lið BÍ/Bolungarvíkur átti í heild sinni vondan dag og þá sérstaklega vörnin. Gáfu boltann oft frá sér á hættulegum stöðum og kom fyrsta markið eftir mistök vinstri bakvarðarins, Calvin Crooks.

Gerði í rauninni engin mistök. Dæmi vítaspyrnu sem var réttur dómur og lét leikinn fljóta vel.