Klisjan "þeir vildu þetta meira" á vel við núna. Því það sem réði úrslitum var einfaldlega það að Fjarðabyggð vildi þetta meira. Baráttuglaðir á meðan andleysi einkenndi leik Framara.

Lítið um umdeilanleg atvik í leiknum, það sem stendur upp úr er mark Fjarðabyggðar á 65. mínútu. Tíðindalítill og leiðinlegur leikur heilt yfir.

Úrslitin þýða að Fjarðabyggð fara í 6 stig eftir þrjá leiki en skilja Framara eftir með 1 stig eftir jafnmarga leiki. Vonbrigðabyrjun hjá Frömurum en mjög sterk byrjun Fjarðbyggðinga. Erfitt sumar í vændum ef heldur áfram sem horfir.

Vondur dagur hjá liði Fram í heildina. Auk þess sem starfsmenn Laugardalsvallar áttu afar slæman dag. Þráðlaus nettenging var ekki til staðar sem og bakkelsi eða kaffi fyrir blaðamenn. Klárlega margt sem má bæta í Laugardalnum.

Guðmundur Ársæll Guðmundsson átti góðan dag í Laugardalnum, svo sem ekki erfiður leikur til að dæma en hann komst í gegnum hann án nokkurra erfiðleika og hafði stjórn á öllu. Gott dagsverk þar.