Þróttarnir skoruðu fleiri mörk en HK. Eftir að hafa komist í 2-0 eftir 20 mínútna leik var þetta erfitt fyrir HK. Þróttarnir eru agaðir aftast á vellinum með stórhættulega menn sem eiga að sjá um að skora mörkin. Uppskriftin gekk upp í dag sem verður að teljast jákvætt.

Guðmundur Atli fékk dauðafæri í byrjun leiks í stöðunni 0-0. Það er oft skemmtilegt að leika sér með ef og hefði og nú ætla ég að gefa mér það og segja: Það HEFÐI verið fróðlegt að sjá hvernig leikurinn hefði þróast EF Guðmundir HEFÐI skorað úr því færi. Færi sem hann skorar úr á góðum degi.

Þróttarar eru á toppi deildarinnar með fullt hús stiga eftir þrjár umferðir. Fyrsta tap HK staðreynd í sumar og það í sínum fyrsta heimaleik.

HK-liðið í heild sinni. Þeir voru sjálfum sér verstir. Vantaði meiri kraft úr iðnaðinum í Kópavogi. Þeir héldu áfram að spila fótbolta eftir að hafa lent undir en betur má ef duga skal. Vantaði meira bit fram á við og Guðmundur Atli hefur oft átt betri leiki en í dag.

Svalasta sjö-an. Var með ágætistök á leiknum. HK-ingar vildu fá vítaspyrnu um miðjan seinni hálfleik en Sigurður Óli dæmdi ekkert. Fór lítið fyrir honum og þannig á það líka að vera.