Ólafur Ingi Guðmundsson @fotboltinet

Textalýsing Skýrslan

Hvað réði úrslitum? Það var getumunurinn á liðunum í kvöld. Fjölnismenn spiluðu virkilega góðan bolta með Aron Sigurðarson í fararbroddi en Skagamenn voru í vandræðum með að skapa sér færi og brjóta vörn gestanna á bak aftur. Bestu leikmenn 1. Aron Sigurðarson (Fjölnir) Var mjög góður í kvöld, skoraði gott mark og átti frábær hlaup upp vinstri kantinn í leiknum sem splundraði vörn ÍA hvað eftir annað. 2. Páll Gísli Jónsson (ÍA) Páll Gísli átti stórleik í marki ÍA í leiknum þrátt fyrir að fá á sig þrjú mörk. Hann var með frábærar markvörslur og góð úthlaup og hélt heimamönnum á floti á löngum köflum. Atvikið Lítið um stór atvik í leiknum. Helst má nefna stórleik Arons Sigurðarsonar. Hann á eftir að halda vöku fyrir hægri bakvörðum efstu deildar í sumar með svona spilamennsku.

Hvað þýða úrslitin? Fjölnir er kominn í 16 liða úrslit og verða erfiðir mótherjar miðað við spilamennskuna í kvöld. Skagamenn eru úr leik og geta einbeitt sér að deildinni og veitir ekki af. Vondur dagur Skagaliðið í heild þarf að hugsa sinn gang eftir leikinn. Þeir eru í fallbaráttu í deildinni og spilamennskan var ekki góð. Þeir þurfa að bæta sig fyrir næsta leik. Dómarinn - 7.5 Guðmundur Ársæll stóð fyrir sínu í kvöld. Stjórnaði leiknum af röggsemi og átti góðan leik.