Jóhann Ingi Hafþórsson @

Textalýsing Skýrslan Viðtöl

Hvað réði úrslitum? Bæði lið klikkuðu á fullt af færum í kvöld. Leikurinn hefði getað farið hvorn vegin sem er. Liðið sem hefði nýtt færin sín betur hefði unnið leikinn í kvöld en sóknarmenn liðanna áttu ekki sinn besta dag og því fór sem fór. Bestu leikmenn 1. Almarr Ormarsson Almarr fékk loksins tækifæri í byrjunarliði KR og hann nýtti það mjög vel. Hann var mjög sprækur fram á við og ógnaði vörn ÍA hvað eftir annað og skoraði síðan jöfnunarmarkið í síðari hálfleik. 2. Jón Vilhelm Ákason Besti leikmaður ÍA í leiknum. Jón er mjög klókur leikmaður og hann ógnaði KR-ingum mikið í kvöld. Hann var hársbreidd frá því að skora stórglæsilegt mark alveg í lokin en Stefán Logi bjargaði frábærlega. Atvikið Óskar Örn Hauksson var líklegast með eitt af verstu klúðrum sumarsins í kvöld. Eftir góðan undirbúning frá Sören Fredriksen var hann nánast fyrir opnu marki en skot hans fór hátt yfir. Hann hefði getað komið KR í 2-1 og þar með í afar vænlega stöðu.

Hvað þýða úrslitin? KR-ingar þurfa ansi margt, ætli þeir sér að vera í alvöru toppbaráttu í sumar úr því sem komið er. Þeir eru í hættu á að missa lið eins og FH og Breiðablik of langt frá sér. Vondur dagur Þrátt fyrir að Stefán Logi hafi varið frábærlega undir lokin og bjargað stigi fyrir KR þá var hann ósannfærandi allan leikinn fram að því og var eins og hann væri að reyna að búa til sénsa fyrir ÍA. Betri framherjar hefðu nýtt sér það betur og refsað Stefáni. Dómarinn - 8 Þorvaldur Árnason var mjög góður í kvöld. Hann hafði 100% stjórn á leiknum. Spjöldin hans voru hárrétt og í rauninni enginn dómur sem undirritaður man eftir að hann hafi dæmt vitlaust.