Ólafur Ingi Guðmundsson @fotboltinet

Textalýsing Skýrslan Viðtöl

Hvað réði úrslitum? Þriggja mínútna kafli undir lok fyrri hálfleiks þar sem Skagamenn komast aftur inn í leikinn og leiða í hálfleik. Það gerði gestunum erfiðara fyrir í seinni hálfleik að þurfa að brjóta sterka vörn ÍA á bak aftur. Stungusending Arnars Más Guðjónssonar innfyrir vörn Keflavíkur og mark Ásgeirs Marteinssonar kláraði svo leikinn. Bestu leikmenn 1. Ásgeir Marteinsson (ÍA) Frábær leikur Ásgeirs Marteinssonar í sókn ÍA. Hann var ódrepandi og hljóp allan leikinn og var ógnandi. Hann átti mikinn þátt í þriðja marki Skagamanna og skoraði fjórða mark liðsins. 2. Árni Snær Ólafsson (ÍA) Árni Snær Ólafsson átti svo stórleik í marki heimamanna, varði vítaspyrnu virkilega vel og átti góð úthlaup og hélt Skagamönnum í leiknum í seinni hálfleik. Atvikið Vítaspyrnan í byrjun seinni hálfleiks sem Árni Snær Ólafsson fær á sig þegar hann braut á Daníel Gylfasyni sóknarmanni Keflavíkur. Árni Snær varði glæsilega spyrnu Hólmars Arnar Rúnarssonar og það var vendipunktur leiksins því Skagamenn sigldu þremur stigum í hús í framhaldinu.

Hvað þýða úrslitin? Úrslitin þýða að Skagamenn eru komnir aðeins frá falldraugnum, í bili að minnsta kosti. Keflvíkingar eru aftur á móti í vondum málum með aðeins einn sigurleik í níu leikjum og þeir verða að rífa sig í gang ef ekki á illa að fara. Vondur dagur Þetta var vondur dagur fyrir varnarmenn Keflvíkinga. Þeir fengu á sig fjögur mörk í kvöld og varnarleikurinn var allt annað en sannfærandi. 21 mark í 9 leikjum er ekki líklegt til árangurs fyrir Suðurnesjamenn í sumar ef þeir ætla að halda sæti sínu í deildinni. Dómarinn - 7.0 Vilhjálmur Alvar dæmdi leikinn ágætlega.