Jóhann Ingi Hafþórsson @

Textalýsing Skýrslan Viðtöl

Hvað réði úrslitum? Eins og fyrirsögnin segir, Fanndís Friðriksdóttir kemst ein gegn Chante Sandiford, markmanni Selfyssinga er Summer Williams sækir að henni. Í kjölfarið fellur Fanndís við og vítaspyrna er dæmd. Það voru mjög skiptar skoðanir á dómnum. Fanndís vildi fá rautt spjald að auki á meðan Selfyssingar vildu meina að ekkert hefði átt að vera dæmt. Fanndís skorar sigurmarkið úr vítaspyrnunni. Bestu leikmenn 1. Fanndís Friðriksdóttir Það er algjör unun að horfa á leikmann eins og Fanndísi þegar hún á dag eins og í dag. Hún var sífellt ógnandi með hraða og áræðni og var allt í öllu í sóknarleik Blikastúlkna. Vítið sem réði úrslitum í kvöld var eign hennar. Hún vinnur það og skorar síðan úr því af miklu öryggi. 2. Guðrún Arnardóttir Varnarleikur Blika var ansi sterkur allan leikinn. Selfyssingar eru með mjög góða leikmenn framarlega á vellinum en varnarlína Blikana gerði ansi vel í að stoppa þær. Þar var Guðrún Arnardóttir hvað skæðust en hún vann nánast öll sín einvígi í leiknum og var mjög sterk. Atvikið Eitt sem kemur til greina. Atvikið sem ræður úrslitum í kvöld. Það má lesa allt um það hér að ofan.

Hvað þýða úrslitin? Það munaði aðeins einu stigi á liðunum fyrir leikinn og því ljóst að sigurliðið í kvöld myndi verma toppsætið eftir leikinn. Blikastúlkur hafa nú fjögurra stiga forskot á toppnum. Selfyssingar missa hins vegar Stjörnuna upp fyrir sig á markatölu og eru þær nú í þriðja sæti. Vondur dagur Helgi Mikael Jónasson, dómari leiksins átti ekki sinn besta dag en nánar verður fjallað um hans frammistöðu hér fyrir neðan. Dómarinn - 2 Helgi Mikael Jónasson var hreint og beint hörmulegur í dag. Það verður ekki skafað af því. Hann dæmi afar vafasama vítaspyrnu í fyrri hálfleik sem var ansi harður dómur, sem í lokin réði úrslitum. Þar sem hann dæmdi vítaspyrnuna varð hann að reka Summer Williams útaf, sem hann gerði ekki. Stærsta atvik leiksins og hann er úti á þekju. Í seinni hálfleik voru 2-3 mjög augljós gul spjöld sem hann sleppti ásamt fleiri furðulegum dómum. Gylfi Tryggvason, aðstoðarmaður Helga átti ekki mikið skárri dag en hann dæmdi hvað eftir annað stórfurðulegar rannstæður. Skelfilegt.