Augnabliks einbeitingarleysi í vörn Selfyssinga gerði útslagið. Haukar fara með forrystu inní hálfleikinn og koma frekar varnarsinnaðir til leiks í seinni hálfleik og leyfðu Selfyssingum svolítið að stjórna ferðinni. Lokamínútur leiksins voru æsispennandi en Selfyssingar settu gríðarlega pressu á þá í lokin en náðu ekki að pota boltanum inn.

Markið sem Haukar gerðu er atvik leiksins í afar tíðindarlitlum leik. Lítið markvert gerðist í leiknum fyrr en undir lok leiksins þegar Selfyssingar fóru framar á völlinn og fengu þá nokkur góð færi. Afar dapur leikur.

Úrslitin þýða það að Haukar eru komnir með sín fyrstu stig á útivelli í sumar og komast uppí 6.sæti með þessum sigri. Selfyssingar halda áfram að hiksta og eru í 8.sæti deildarinnar en öll lið fyrir neðan þá eiga leik til góða.

Terrance William Dieterich markmaður Hauka hefur líklega spilað betur á sínum ferli, eða ég ætla að vona það. Ég myndi ekki þakka honum fyrir það að hafa haldið hreinu í dag heldur dapri sóknarlínu Selfyssinga. Spyrnur hans í leiknum voru oftar en ekki hörmulegar og í sumum tilvikum náði hann ekki að lyfta boltanum upp. Selfyssingarnir voru farnir að stilla sér þannig upp að þeir myndu líklega ná sparkinu hans. Einnig fór hann í nokkur skógarúthlaup í leiknum, algjörlega glórulaust.

Lítið hægt að setja út á dómgæsluna í kvöld en Garðar og hans menn stóðu sig vel. Var aðeins að dreifa spjöldum í seinni hálfleik en heilt yfir vel dæmt.