Stjarnan hóf báða hálfleika af miklum krafti og létu Keflavíkurvörnina hafa verulega fyrir hlutunum. Þeir skoruðu mark í fyrri hálfleik og virtust svo slaka aðeins á og fengu á sig jöfnunarmark. Þeir komu svo dýr vitlausir út úr búningsherberginu eftir tesopann og settu mark eftir tæpa 1 mín og þar við sat.

Árás Stjörnunar í upphafi seinni hálfleiks gerði út um leikinn og skildi liðin að í lokin.

Eftir þetta tap eru Keflvíkingar í verulega slæmum málum á botninum, fjórum stigum á eftir ÍBV og fimm stigum frá því að koma sér í öruggt sæti. Fátt í þeirra leik sem virðist benda til þess að eitthvað geti komið í veg fyrir fall þeirra. Þessi sigur var aftur á móti líka nauðsynlegur fyrir Stjörnuna ef þeir ætli sér að reyna að blanda sér í baráttu um titilinn.

Vörn Keflavíkur var alveg úti á túni í hvert skipti sem Stjörnumenn nenntu að gera árásir. Kemur lítið á óvart ef mið er tekið af þessum leik að þetta lið sé búið að fá á sig 23 mörk í 10 leikjum.

Valgeir átti heilt yfir ágætis dag en lét á stundum gestina úr Garðabænum hafa of mikil áhrif á þyngd refsinga ef þeir lágu bara nógu lengi í grasinu eftir mis alvarleg brot. Virtist líka spjalda rangan mann í Keflavíkurliðinu sem frelsaði þann brotlega frá rauðu spjaldi.