Stjarnan kom miklu ákveðnari inn í leikinn og það skilaði sér í þremur mörkum á sirka 10 mínútna kafla. Eftir það var brekkan of brött fyrir þær röndóttu og var seinni hálfleikur nánast einstefna Stjörnunnar. Fyrsta mark sumarsins datt þó loksins hjá Þrótturum en vafi leikur á því (þegar þetta er skrifað) hvort það hafi verið sjálfsmark.

Fyrsta mark Þróttar í Pepsi-deildinni kom loksins í 7. leik liðsins. Markið var þó líklega sjálfsmark en þetta mark hlýtur að gefa liðinu eitthvað spark í rassinn.

Stjarnan færist upp í 2. sæti deildarinnar á ný og eru enn þá fjórum stigum á eftir Breiðabliki, eins og fyrir umferðina. Þróttarastelpur sitja því enn þá eftir með ennið sárt í næst síðasta sæti deildarinnar með einungis tvö stig. Þær eiga þó leik inni og geta safnað stigum þar.

Ég get eiginlega ekki gefið Mckenzie markverði Þróttar þennan titil þar sem hún stóð sig með eindæmum vel eftir að hafa átt mjög vondar fyrstu 25 mínútur. Þessi titill fer því á Unu Margrét Árnadóttur, ekkert endilega vegna lélegrar frammistöðu heldur vegna þess að hafa verið leikin heldur grátt af Hörpu Þorsteins

Ekki mörg atvik fyrir Smára til þess að gera athugasemd við í dag og dæmdi hann rétt í þeim tilvikum sem komu upp.