Arnar Daði Arnarsson @arnardadi

Textalýsing Skýrslan Viðtöl

Hvað réði úrslitum? Klaufa mistök Beitis markvarðar HK í fyrsta marki Hauka reyndist dýrkeypt. Heilt yfir var þetta jafn leikur og bæði lið fengu fín færi. Haukar skoruðu hinsvegar annað en HK-ingar og um það snýst leikurinn. Gestirnir geta verið svekktir með niðurstöðuna en á meðan Haukarnir Bestu leikmenn 1. Aron Jóhannsson Yfirburðarmaður í þessu Haukaliði. Sýnir yfirvegun og ró og hefur þroskast mikið sem knattspyrnumaður í sumar. Sendingar hans eru upp á 9,9 og er farinn að taka meiri ábyrgð á vellinum. Skoraði annað mark Hauka og átti þátt í undirbúningnum sjálfur. 2. Terrance William Dieterich Var öruggur í sínum aðgerðum í marki Hauka. Þau skot HK-inga sem fóru á markið, var Terrance í litum vandræðum með. Var einnig öruggur í fyrirgjöf HK-inga. Hefur átt missjafna leiki með Haukum í sumar en gerði vel í kvöld. Atvikið Tíðindalítill leikur svosem en atvik leiksins voru bæði mörk Hauka. Bæði komu þau uppúr laglegum samleik. Þó fyrra markið hafi verið klaufalegt hjá Beiti, þá var undirbúningurinn flottur. Sama má segja um seinna markið, stuttar sendingar sín á milli utan teigs HK og síðan lokasending Hauks á Aron inn í teig, var tær snilld.

Hvað þýða úrslitin? Eftir fyrri umferðina eru Haukar með 16 stig, fimm sigrar, eitt jafntefli og fimm töp. HK sem með sigri í kvöld hefðu getað farið uppfyrir Hauka, eru með 12 stig. Fjórir sigrar og sjö töp. Vondur dagur Beitir Ólafsson hefur líklega átt sínu bestu daga í lífinu síðustu daga en hann varð faðir á dögunum. Hann vill líklega gleyma þessum leik sem allra fyrst. Hann gerði dýr mistök í fyrsta marki Hauka þegar hann missti boltann í gegnum klofið á sér og boltinn lak yfir marklínuna. Dómarinn - 9,3 Þorvaldur Árnason steig vart feilspor í leiknum í kvöld. Hef sjaldan orðið vitni að eins litlu tuði í einum leik, bæði frá leikmönnum og þjálfurum. Það virtist eins og Þorvaldur væri ekki á vellinum, sem er virkilega jákvætt. Dómarnir eiga ekki að vera í aðal hlutverki.