Arnar Ingi Ingason @arnaringason

Textalýsing Skýrslan Viðtöl

Hvað réði úrslitum? Fyrst og fremst markið sem kom úr vítaspyrnu á 56. mínútu. Norðmennirnir voru heilt yfir aðeins betri en KR-ingarnir voru heldur ekki að spila sinn besta leik. Bestu leikmenn 1. Tobias Mikkelsen Átti mjög góðan leik og var sí-ógnandi. Átti margar hættulegar sendingar inn í teiginn og skapaði ófá hættuleg færi fyrir norska liðið í dag. Verður gaman að fylgjast með honum í leiknum úti. 2. Jónas Guðni Sævarsson Jónas var algjör vél inni á miðjunni í dag og fórnaði sér í alla bolta sem hægt var að fórna sér í. Stýrði miðjunni vel og stóð vel í mönnum. Atvikið Vítaspyrnudómurinn. Klárlega. Hvorugt liðið var að nýta færin sín og var vítið algjör vendipunktur fyrir leikinn í heild sinni.

Hvað þýða úrslitin? Alls ekki slæm úrslit fyrir KR-inga sem voru ekki að nýta færin sín en spiluðu þó vel. Geta algjörlega komið til baka í seinni leiknum í Noregi. Vondur dagur Sören Frederiksen var alls ekki góður á hægri kantinum í dag, það verður að segjast. Honum var skipt út af á 67. mínútu. Óskar Örn Hauksson var þó heppinn að hreppa þennan titil ekki en hlutirnir gengu hreinlega ekki upp hjá þessum tveimur í dag. Dómarinn - 7 Lét leikinn ekki fljóta nógu vel en dæmdi annað ágætlega. Dæmdi svo vítaspyrnu sem var hárréttur dómur.