Seinni hálfleikurinn var það sem réði úrslitum hér í dag. Þróttur var inní leiknum í fyrri hálfeik og átti fín færi. Heimakonur skoruðu annað mark sitt snemma í seinni hálfleik. Markið sló Þróttara útaf laginu og heimakonur keyrðu yfir gestina.

Mark Þróttara. Markið var einungis annað mark þeirra í deildinni í sumar og það fyrsta sem var skorað af eigin leikmanni. Markið gæti gefið þeim sjálfstraust fram á við en þær þurfa það sárlega.

Þór/KA liftir sér í 5.sæti deildarinnar með sigri. Gestirnir úr laugardalnum eru hinsvegar ennþá í næst neðsta sæti með tvö stig.

Afar erfitt að segja að einhver hafi átt vondan dag. Þór/KA var bara klassa ofar í dag. Hinsvegar taka fram tvö dauða færi sem Rebekah Bass klúðraði í stöðunni 1-0. Þetta eru færi sem verður að nýta ef lið á að fá eitthvað út úr leikjum.

Aðalbjörn átti flottan leik í dag og var með flest allar ákvarðannir á hreinu.