Vítaspyrnudómurinn umdeildi. Leikurinn var annars ótrúlega leiðinlegur áhorfs og fátt um fína drætti.

Vítaspyrnudómurinn er eina atvikið sem hægt er að ræða eftir þennan leik. Ingvar Kale markvörður Vals var dæmdur brotlegur en hefði viljað fá gult spjald fyrir leikaraskap á Rolf Toft. Aðstoðardómarinn taldi að um vítaspyrnu hefði verið að ræða og maðurinn með flautuna hlýddi.

Milos er búinn að skila sex stigum í hús eftir tvo leiki einn við stjórnvölinn. Valsmenn hefðu getað skellt sér á toppinn en þeim mistókst það.

Sóknarleikur Vals í leiknum var gríðarlega hugmyndasnauður og bitlaus. Patrick Pedersen var sárt saknað en hann var í leikbanni. Ljóst að Valsmenn mega ekki vera án Danans. Þó dómararnir séu helsta umræðuefnið í leikslok þá verða Valsmenn að horfast í augu við það að liðið átti ekkert skilið úr leiknum miðað við spilamennskuna.

Dómaramistök réðu úrslitum. Þess utan höndlaði Valdimar Pálsson leikinn illa.