Jóhann Ingi Hafþórsson @

Textalýsing Skýrslan Viðtöl

Hvað réði úrslitum? Bæði lið vörðust betur en þau sóttu í þessum leik og ef þau komust í færi þá var annað hvort markmaður eða varnarmaður til takst að stöðva það sem gékk á. Bestu leikmenn 1. Stefán Logi Magnússon Það hafa margir í gegnum tíðina gagnrýnt Stefán Loga og jafnvel talað um hann sem veikan hlekk í KR liðinu. Stefán hefur hins vegar verið virkilega góður í síðustu leikjum með KR. Hann varði nokkrum sinnum vel í dag og þá sérstaklega er hann varði frá Arnþóri Ara. Það var markvarsla sem vann stig fyrir KR í kvöld. 2. Oliver Sigurjónsson Oliver spilaði fyrir framan vörnina og gerði það frábærlega. Hann sá til þess að sterkir sóknarsinnaðir leikmenn KR komust aldrei almennilega í gegn og átti nokkrar stórgóðar tæklingar. Virkilega efnilegur piltur. Atvikið Atli Sigurjónsson sparkaði boltanum í höfuðið á Þorvaldi Árnasyni, dómara leiksins en atvikið átti sér stað í fyrri hálfleik. Þorvaldur kláraði hálfleikinn en fór síðan með sjúkrabíl frá vellinum í hálfleik en hann var með heilahristing.

Hvað þýða úrslitin? FH-ingar geta komist á toppinn núna þar sem þeir eiga leik inni á KR. Blikar geta verið ánægðir með að hafa ekki tapað leiknum þar sem KR-ingarnir hefðu komist full langt frá þeim með sigri. Úrslitin þýða einfaldlega að toppbaráttan er ennþá hnífjöfn. Vondur dagur Fyrir dómara leiksins. Erlendur Eiríkson brá sér í allra kvikynda líki í kvöld. Hann átti upprunalega að vera varadómari en vegna meiðsla aðstoðardómara skellti hann sér í aðstoðardómara hlutverkið. Þorvaldur Árnason gat síðan ekki klárað leikinn og því varð Erlendur aðaldómari í síðari hálfleik. Dómarinn - 6 og 6 Þorvaldur Árnason var allt í lagi í fyrri hálfleiknum. Hann flautaði ögn of mikið og leikurinn fékk því ekki alveg að fljóta. Hann dæmdi hins vegar nokkuð vel og ekkert vafaatriði átti sér stað. Erlendur tók við í seinni hálfleiknum og stóð sig einnig með príði.