Gunnar Birgisson @grjotze

Textalýsing Skýrslan Viðtöl

Hvað réði úrslitum? Skyndisóknir Blika voru gríðarlega sterkar, í hvert skipti sem Stjarnan var að ná yfirhöndinni á leiknum þá sprengdu Blikar leikinn upp með hröðum og ákveðnum sóknum sem skiluðu þeim meðal annars fyrsta markinu. Varnarlína Blika var einnig frábær. Bestu leikmenn 1. Gunnleifur Gunnleifsson Hvað getur maður sagt, á ögurstundum var hann maðurinn sem reddaði Blikum með glæsilegum vörslum. Það virðist ekki vera hægt að skora framhjá honum. 2. Arnar Már Björgvinsson Hans laaang besti leikur í sumar og gott betur en það. Var endalaust að skapa hættu og sótti stíft inn á miðsvæðið þar sem Blikar áttu í erfiðleikum með hann. Atvikið Umtalað brot rétt fyrir lok fyrri hálfleiks, hefði getað breytt leiknum.

Hvað þýða úrslitin? Blikar ríghalda í FH-inga og eru enn fjórum stigum á eftir þeim. Stjörnumenn aftur á móti í 7.sæti, 6 stigum frá fallsæti. Vondur dagur Jeppe Hansen fékk frítt á völlinn í kvöld og var í lang besta sæti vallarins. Meira gerði hann ekki. Dómarinn - 3 Stór ákvörðun sem Vilhjálmur tekur undir lok fyrri hálfleiks sem hefði sennilega átt að verðskulda rautt spjald á Breiðablik, en í staðin dæmdi hann brot á Guðjón. Auk þess var hann gjarn á það að dæma eftir pöntunum, ef leikmenn settu pressu á hann þá kiknaði hann undan henni. Undir lokin dæmdi hann svo brot þegar Stjarnan skoraði, á hvað veit ég ekki.