Orkan sem varamenn Víkinga áttu inni á síðustu andartökum leiksins, frábært upphlaup Davíðs og yfirveguð klárun Vestfirðingsins Andra skilaði sigurmarkinu. Varamenn eiga jú að breyta og það gerðu þeir svo sannarlega.

Á 93.mínútu virðist brotið á Skogsrud á leið í Eyjamannasókn, dómarinn dæmdi ekkert, boltanum flamberað á Davíð Atlason sem veður upp allan völlinn og leggur upp sigurmarkið.

Víkingar eru komnir 7 stigum frá fallsæti og þurfa bara einn sigur enn til að vera algerlega sloppnir. Vestmanneyingar eru djúpt í fallpottinum alræmda og þurfa sárlega á stigum að halda.

Sóknarleikur ÍBV vaknaði á milli mínútu 89 og 92 en það verður aldrei nóg í Pepsideildinni. Það vita allir hvaða gæði liggja í fótum framherja þeirra, en þau verða sárlega að sjást í verki ef ekki á illa að fara.

Guðmundur Ársæll var að fara að fá solid níu í þessum leik þar til í uppbótartíma. Kannski til marks um að dómaradjobbið getur verið hart að tiltölulega meinlaust brot úti á miðjum velli leiðir af sér dramatískt sigurmark. En Guðmundur átti að öðru leyti afar góðan dag.