Gæðin í FH-liðinu fram á við. Þróttarar fengu sóknir til að komast yfir í fyrri hálfleiknum en nýttu þær ekki og það kom í bakið á þeim. FH-ingar eiga menn sem geta lokað leikjum og það sýndi sig svo sannarlega í þessum leik.

Fyrsta mark leiksins. Davíð Þór átti sendingu inn fyrir og móttakan hjá Lennon var frábær. Fram að þessu höfðu Þróttarar ógnað meira en eftir markið náðu FH-ingar betri tökum á leiknum.

FH-ingar byrja titilvörnina vel og takturinn varð betri og betri í liðinu eftir því sem á leið leikinn í dag. Þróttarar hefðu kosið aðra byrjun en þeir geta verið ánægðir með frammistöðuna fyrstu 70 mínúturnar og byggt á henni. Síðustu 20 mínúturnar leit liðið hins vegar ekki nógu vel út.

Bergsveinn Ólafsson, miðvörður FH, var í talsverðu basli og þá sérstaklega í fyrri hálfleik. Hefði getað fengið á sig víti snemma leiks þegar hann togaði í Emil Atlason í teignum.

Ágætis leikur hjá Vilhjálmi.