Kristín Hildur Ragnarsdóttir @kristinhildur

Textalýsing Skýrslan Viðtöl

Hvað réði úrslitum? Breiðablik var betra liðið í kvöld, uppskáru eins og þær sáðu. Leikmenn KR áttu erfitt með að höndla pressuna og það skilaði sér í mörgum færum Blika. Bestu leikmenn 1. Andrea Rán Snæfeld Hauksdóttir Andrea átti góðan leik í dag og skilaði tveimur glæsilegum mörkum. Frábær byrjun á tímabilinu hjá þessum bráðefnilega leikmanni. 2. Fanndís Friðriksdóttir Hélt áfram þar sem frá var horfið á síðasta tímabil, átti góð hlaup upp kantinn og skoraði mark. Virkilega flottur leikur. Atvikið Fyrra mark Andreu, eftir stoðsendingu frá Fanndísi, þvílík negla.

Hvað þýða úrslitin? Leikurinn fór eins og við var búist. Blikar nældu sér í sín fyrstu þrjú stig sumarsins en KR fór heim með sárt ennið í kvöld. Vondur dagur KR liðið í heild þarf að sýna að þær eigi meira inni heldur en það sem þær sýndu í kvöld. Komust aldrei almennilega inn í leikinn en héldu þó haus allan tímann. Dómarinn - 8 Leyfði leiknum að fljóta og stóð sig heilt yfir vel. Aðalatriðið var fótboltinn en ekki dómgæslan.