FH komst yfir alveg í upphafi og var nokkuð ljóst í hvað stefndi eftir það. Liðið gaf fá tækifæri á sér og sýndi einfaldlega að þeir eru með betra lið en Fjölnir.

Sjálfsmark eftir þrjár mínútur. Þetta varð mjög erfitt fyrir Fjölni eftir það.

FH-ingar náðu að rífa sig upp eftir slakan leik gegn KR og eru með níu stig eftir fjóra leiki sem er fínn árangur. Þeir halda áfram sínu striki og verða í toppbaráttu í sumar, engin spurning. Fjölnir byrjaði vel og vann tvo leiki en hafa nú tapað tveim í röð. Miðjumoð framundan hjá Fjölni?

Viðar Ari Jónsson - Skoraði sjálfsmark og átti þess fyrir utan ekki sérstaklega góðan leik. Fyrirgjafirnar hans voru oftar en ekki mjög slæmar og getur hann klárlega gert mikið betur.

Ívar Orri Kristjánsson - Hafði algjöra stjórn á leiknum og man ég varla eftir atviki þar sem hann gerði mistök. Spjaldaði þegar það átti við og stóð sig virkilega vel. Hefði hækkað hann í einkunn, hefði leikurinn verið ögn erfiðari að dæma en það kom ekki stórt vafaatriði í hann.