Daníel Geir Moritz @DanelGeirMoritz

Textalýsing Skýrslan Viðtöl

Hvað réði úrslitum? Þróttur nýtti sín færi en Blikar ekki. Gestirnir fengu nokkur góð færi en fóru illa af ráðum sínum. Upplegg Þróttara svínvirkaði. Bestu leikmenn 1. Trausti Sigurbjörnsson Það voru nokkrir Þróttarar sem komu til greina enda liðsheildin flott. Trausti stóð sig þó manna best og hélt hreinu. Hann var hugaður í leiknum og vildi greinilega bæta upp fyrir þau 6 mörk sem hann fékk á sig um daginn. Flottur leikur! 2. Karl Brynjar Björnsson Kalli vann gríðarlega marga skallabolta og var flottur í vörninni. Hann og Davíð náðu vel saman og verndaði Tonny vörnina sína ágætlega sem djúpur á miðju en Kalli fór fyrir varnarleiknum og var flottur fyrirliði hér í kvöld. Atvikið Arnór Sveinn fékk sitt annað gula undir lok fyrri hálfleiks og þar með rautt. Arnór fékk réttilega gult snemma í leiknum og braut af sér oftar en einu sinni á gulu spjaldi og endaði það með rauðu. Ekki mesta pjúra spjald sem maður hefur séð en hann fór vissulega hátt með fótinn.

Hvað þýða úrslitin? Þróttur vann sinn fyrsta sigur í Pepsi deildinni í ár og eru með fjögur stig eftir fjóra erfiða leiki. Breiðablik er komið með sex stig sem er undir væntingum í Kópavogi. Vondur dagur Jonathan Glenn hefði átt að skora í þessum leik. Hann hefði átt að ná því án þess að Trausti liti eitthvað illa út en sá síðarnefndi át hann í kvöld. Ég kalla eftir mörkum frá Glenn. Dómarinn - 7 Þorvaldur hélt sinni línu vel og vildi láta leikinn fljóta.