Blanda af baráttumun og gæðamun liðanna. Þórsarar vildu þetta meira í dag, unnu fleiri skallabolta, fleiri návígi og fleiri tæklingar. Það sást svo þegar Haukar sóttu að það vantaði svolítið upp á gæðin hjá þeim fram á við. Þórsarar hins vegar nýttu færin sín.

Þeim Þórsurum sem voru á vellinum fannst sennilega ekkert allt of gaman þegar fyrirliði þeirra, Sveinn Elías Jónsson þurfti að yfirgefa völlinn vegna meiðsla. Það var hins vegar kannski lán í óláni að Gunnar Örvar Stefánsson kom inn í stað hans, en hann átti stóran þátt í sigri Þórs.

Þórsarar lyfta sér upp í 4. sætið, allavega tímabundið, en nágrannar þeirra í KA geta farið upp fyrir þá aftur með sigri gegn Leikni F. í dag. Haukar detta niður í 8.sætið en Þór og Fram fóru upp fyrir þá með sínum sigrum. Selfoss fer einnig upp fyrir þá ef þeir vinna HK í dag, svo Haukar gætu endað daginn í 9. sæti.

Varnarlína Hauka. Miðverðirnir tveir, þeir Alexander Freyr og Gunnlaugur Fannar réðu ekkert við Gunnar Örvar og Jóhann Helga, og kantmenn Þórs áttu ekki í vandræðum með að fara framhjá bakvörðum Hauka.

Dæmdi heilt yfir ágætlega og leikurinn fékk að fljóta, en að mínu mati var þetta aldrei vítaspyrna sem hann dæmdi. Hákon Ingi kom sér fram fyrir Elton Barros og sparkaði boltanum í horn. Elton bað sjálfur ekki einu sinni um víti.