Gæði KA. Þeir áttu öll helstu færi leiksins þótt ekki hafi verið mikið um þau. Varnarlega voru þeir mjög sterkir og Leiknir fann enga leið í gegn. Um leið og það leit út fyrir Leiknir væri að komast inn í leikinn skoraði KA og eftir það var ekki aftur snúið.

Fyrsta skipting leiksins. Ásgeir Sigurgeirsson kom inn á fyrir Aleksandar Trninic sem hafði hlotið höfuðhögg. 4 mínútum seinna var Ásgeir búinn að skora eina mark leiksins.

Leiknir er enn án stiga og sitja á botni deildarinnar. KA hefur 9 stig af 12 mögulegum og fara upp í 3. sæti

Sókn Leiknis. Hún komst aldrei í gang og skapaði sér lítil sem engin færi.

Dómarinn átti ágætan leik. Bæði lið vildu fá víti. Þegar Hallgrímur Mar féll í teignum tel ég það hafa verið réttur dómur hjá Erlendi að dæma ekki víti. Leiknir hefði mögulega átt að fá víti þegar leikmaður KA fékk boltann í hendina. Skotið var þó af stuttu færi og leikmaðurinn hafði ekki tíma til að bregðast við. Höndin var samt sem áður í óeðlilegri stöðu.