Fyrstu mínútur leiksins klárlega. Bæði lið komu full af eldmóði inn í leikinn og það sást á fyrstu fimm mínútunum en þá voru skoruð þrjú mörk. Fyrst Skagamenn á 01:26, svo Víkingar tæpum tveim mínútum seinna og aftur Skagamenn tæpri mínútu seinna. Rosaleg byrjun á leiknum. Gullfótur Ívars skilaði svo Víkingum sigri á lokamínútu leiksins.

Það eru tvö atvik í dag sem standa upp úr. Nr 1: Skagamenn heimtuðu vítaspyrnu í fyrri hálfleik þegar Albert Hafsteinsson var að við það að hlaða í skot inn í teig og var sparkaður niður. Voru flestir á því að þar hefði verið réttlætanlegt að dæma vítaspyrnu. Nr 2: Viktor Jónsson fær gullfallega sendingu frá Tufa inn í teig og þegar auðveldara var að skora en ekki, leggur Viktor boltann framhjá markinu.

Víkingar áttu sigur skilið miðað við spilamennskuna, sérstaklega í seinni hálfleik. Þeir sigra annan leik í röð og lyfta sér ofar í töflunni. Skagamenn hafa lika örugglega viljað meira eftir að hafa verið yfir nær allan fyrri hálfleikinn en tap varð niðurstaðan og því er fallbaráttan enn í fyrirrúmi hjá þeim.

Þó að Gary Martin hafi átt stoðsendingu að þá átti GJM ekki sérstaklega góðan dag í dag. Móttaka hans og sendingar voru ekki eins og maður á við að búast frá honum.

Helgi Mikael var að dæma sinn fyrsta leik í efstu deild karla og gerði það nokkuð vel. Það að dæma ekki vítaspyrnu á Víkinga í fyrri hálfleik var þó klúður af hans hálfu.