Rauða spjaldið hjá Halli vegur mjög þungt. Þróttarar kvarta yfir því að dómarinn hafi ekki séð atvikið en það skiptir ekki máli. Jafn reynslumikill leikmaður og Hallur á að vita betur. Þróttarar geta hins vegar verið svekktir yfir að hafa ekki fengið vítaspyrnu í síðari hálfleiknum. Eyjamenn fóru skeflilega með góðar skyndisóknir og hefðu getað fengið það í bakið, en þeir sluppu að þessu sinni.

Rauða spjaldið á Hall. Atvikið gerðist fyrir framan varamannaskýlin og þjálfarar, aðstoðarþjálfarar og fleiri til á varamannabekkjunum létu mikið í sér heyra. Eftir reikistefnu fór rauða spjaldið á loft, en hver af dómurunum fjórum tók þá ákvörðun? Þórddur dómari snéri að minnsta kosti baki í atvikið.

Eyjamenn eru komnir með tíu stig í 3. sæti deildarinnar og virðast ekki ætla að vera í fallbaráttu eins og margir spáðu fyrir mót. Þróttarar eru aftur á móti með fjögur stig og þurfa nauðsynlega stig gegn ÍA á sunnudaginn.

Hallur Hallsson, fyrirliði Þróttara, lét skapið hlaupa með sig í gönur og fékk kjánalegt rautt spjald fyrir að slá Mikkel Maigaard Jakoben í punginn. Liðsfélagar hans þurftu að leika manni færri í yfir 50 mínútur í kjölfarið.

Rauða spjaldið er rétt samkvæmt bókinni en eftir það missti Þóroddur tökin á leiknum. Þróttarar áttu að fá vítaspyrnu í síðari hálfleik og Ragnar Pétursson átti alltaf að fá sitt annað gula spjald og þar með rautt fyrir ljóta tæklingu.