Gunnar Birgisson @grjotze

Textalýsing Skýrslan Viðtöl

Hvað réði úrslitum? Þó það hljómi klisjulega þá bara nýttu Blikar sín færi einfaldlega miklu betur, fengu færri opin færi heldur en heimamenn en gerðu vel úr því sem þeir fengu. Bestu leikmenn 1. Gunnleifur Gunnleifsson Ástæðan fyrir því að þeir fá þrjú stig hérna í dag. Varði nokkrum sinnum stórkostlega og þá helst skotið frá Þorra undir lokin og 1v1 á móti Guðjóni um miðjan seinni hálfleikinn. 2. Þorri Geir Rúnarsson Ekki bara besti heldur langbesti leikmaður Stjörnuliðsins í dag. Átti tvær stórkostlegar stungusendingar á Guðjón sem hann náði ekki að nýta og var í yfirvinnu nánast allan seinni hálfleikinn eftir að Baldur fór útaf, tapaði ekki návígi og hefði getað jafnað leikinn undir lokinn með skoti sem Gulli varði glæsilega. Atvikið Fyrsta mark Breiðabliks kom þegar Stjörnumenn voru að setja mikla pressu á þá og því ágætis kjaftshögg á heimamenn.

Hvað þýða úrslitin? Eftir að tapa gegn báðum nýliðum deildarinnar fara Breiðablik samt á toppinn með þessum sigri. Jöfn deild. Vondur dagur Jonathan Glenn var alls ekki merkilegur í leiknum í dag. Aftur á móti kom Guðmundur Atli inná með mikinn kraft og sýndi styrk sinn í seinna markinu. Glenn getur huggað sig við sigur engu að síður. Dómarinn - 8 Virkilega flott frammistaða hjá Vilhjálmi í erfiðum og miklum baráttuleik. Hélt góðri línu og lét leikinn fljóta vel.