Eftir jafnan fyrri hálfleik þar sem staðan var 1-0 heimamönnum í vil og leikurinn í raun galopinn, gékk ekkert hjá Leikni í þeim síðari og Grindavík gékk á lagið og vann að lokum frábæran 4-0 sigur. Leiknismenn mættu ekki í seinni hálfleikinn.

Um leið og Grindavík skorar annað markið virtist allt hrynja hjá Leikni. Þeir lögðu árar í bát og voru aldrei líklegir til að skora eftir það.

Grindavík skellti sér upp fyrir Leikni og í toppsætið. Þeir líta mjög vel út í sumar og gætu náð langt. Eftir mjög góða byrjun Leiknis, hafa þeir spilað tvo slappa leiki í röð og þurfa að lygta sér upp eftir þetta.

Mjög erfitt að velja einhverja einstaka leikmenn úr Leikni þar sem allt liðið virtist hreinlega á hælunum. Þeir voru of opnir varnarlega og sköpuðu lítið sem ekkert sóknarlega.

Þorvaldur Árnason var mjög góður í kvöld. Leyfði leiknum að fljóta virkilega vel og hafði það jákvæð áhrif á leikinn og gerði engin augljós mistök. Gaf engin spjöld og var lítil ástæða til.