Einar Kristinn Kárason @einarkarason

Textalýsing Skýrslan

Hvað réði úrslitum? Fyrstu 6.mínútur leiksins. Þegar þær voru liðnar voru Blikar komnir 2 mörkum yfir og með leikinn í höndum sér. Löng og brött brekka fyrir Eyjamenn sem náðu aldrei að rétta almennilega úr kútnum. Bestu leikmenn 1. Oliver Sigurjónsson Skilaði sínu hlutverki upp á 10. Barðist eins og hundur og vann allavega 95% af þeim tæklingum og skallaboltum sem hann fór í. Stöðvaði hverja sókn Eyjamanna á fætur annarri og skilaði boltanum vel frá sér. 2. Gunnleifur Gunnleifsson Varði einu sinni meistaralega frá Aroni Bjarnasyni og virkaði öruggur í sínum aðgerðum, svona að mestu leyti. Át hverja fyrirgjöfina á fætur annarri. Missti boltann einu sinni í slánna en það varð ekki að sök. Atvikið Fyrsta mark leiksins. Kom strax eftir þrjár mínútur og sló ÍBV alveg útaf laginu. Næstu mínútur þar á eftir voru eintóm ringulreið sem endaði með öðru marki.

Hvað þýða úrslitin? Blikar, sem sátu í 5.sæti deildarinnar, stigi á eftir ÍBV í því fjórða, eru komnir á toppinn. Liðin þar á eftir eiga þó leik inni. Vondur dagur Jonathan Glenn var mættur á sinn gamla heimavöll en hann sá varla til sólar í liði sem vinnur tveggja marka sigur. Fékk ekki mörg færi, spjaldaður fyrir dýfu og fær svo seinna gula spjaldið fyrir olnbogaskot. Hafði þar áður verið heppinn að fá ekki að sjá seinna gula fyrr fyrir samskonar brot. Dómarinn - 7 Einstaka furðulegir dómar en ágætt heilt yfir. Gunnar hefði átt að senda Glenn fyrr útaf, en gaf honum séns á að gefa öðrum leikmanni ÍBV olnbogaskot áður en hann sendi hann í sturtu.