Valur Páll Eiríksson @vpeiriksson

Textalýsing Skýrslan

Hvað réði úrslitum? Magnaður tíu mínútna kafli Eyjamanna snemma í síðari hálfleik eftir að hafa fengið á sig mark í upphafi hálfleiksins. Arnór Sveinn kom Blikum í 2-0 eftir tæplega 90 sekúndur í seinni hálfleik en tveimur mínútum síðar minnkaði Hafsteinn Briem muninn áður en Simon Smidt skoraði tvö mörk á 54. og 59. mínútu. Bestu leikmenn 1. Simon Smidt (ÍBV) Skoraði tvö lagleg mörk sem tryggðu Eyjamenn áfram. Aron Bjarnason var einnig öflugur og lagði upp tvö. 2. Gísli Eyjólfsson (Breiðablik) Var á bakvið flest í sóknarleik Blika í leiknum og sá eini sem virtist með meðvitund á köflum eftir rothöggið sem mörk Eyjamanna voru. Skoraði frábært mark undir lok fyrri hálfleiksins. Atvikið Mark Hafsteins Briem á 49. mínútu sneri leiknum algjörlega við og hóf viðsnúning Eyjamanna. Blikar sáu vart til sólar eftir það. Einnig má nefna stórglæsilegt mark Gísla Eyjólfssonar á 43. mínútu þar sem hann vann boltann, lék á tvo og skildi eftir á rassinum áður en hann kláraði framhjá Carrillo í markinu.

Hvað þýða úrslitin? ÍBV eru komnir í undanúrslit bikarsins meðan Blikar sitja eftir með sárt ennið. Vondur dagur Davíð Kristján Ólafsson var slakur eins og varnarlína Blika var í heild sinni nánast allan leikinn. Þeir virkuðu óöruggir í sínum aðgerðum. Davíð fékk hins vegar heimskulegt gult spjald undir lok leiks þar sem hann straujaði Pablo Punyed og átti auk þess ekki eina heppnaða fyrirgjöf í leiknum þrátt 4-5 tilraunir úr fínum stöðum þar sem boltinn fór ýmist aftur fyrir eða í fyrsta varnarmann. Dómarinn - 6 Ágætur í heildina en skrýtinn á köflum þar sem litlir dómar í báðar áttir voru furðulegir.