Breiðabliksliðið mætti ákveðið til leiks og takturinn í sóknarleik liðsins var allt annar með tilkomu Árna Vilhjálmssonar. Breiðablik hefur frábæran markvörð og býr yfir öflugum varnarleik. Það telst ansi gott að halda hreinu gegn Fjölni. Þegar hlutirnir fara að smella sóknarlega líka eru Blikarnir ansi góðir!

Í stöðunni 2-0 fyrir Breiðabliki tók Þórir Guðjónsson vítaspyrnu og hefði getað opnað leikinn upp á gátt. Gunnleifur varði spyrnuna vel.

Spennan í deildinni heldur áfram. Skyndilega eru Blikar komnir upp að hlið Fjölnis, bæði lið með 19 stig í 3. - 4. sæti deildarinnar.

Margir hjá heimamönnum sem ekki náðu sér á strik í kvöld en þennan titil fær bakvörðurinn Mario Tadejevic. Hann var fíflaður upp úr skónum í fyrsta marki leiksins, Arnór Sveinn Aðalsteinsson fór illa með hann. Viðvörunarbjöllur höfðu hringt nokkru áður þegar Arnór hafði leikið sama leik.

Þorvaldur Árnason með öll tök á þessum leik. Dómarinn í aukahlutverki og það er gott. Hárréttur vítaspyrnudómur.