Fyrri hálfleikurinn hjá Skagamönnum. Heimamenn mættu miklu ákveðnari til leiks og fyrri hálfleikurinn var nánast alfarið í eigu ÍA. Spiluðu flottan fótbolta og uppskáru tvö mörk og annað þeirra af dýrari gerðinni í boði GG9

Markið hjá Garðari Gunnlaugs. Þvílík mark hjá manninum. Hótaði þessu stuttu áður með skoti utan teigs. Fékk boltann fyrir framan teginn, snéri á varnarmann og bamm! Sláin inn alveg út við stöng. Sjón er sögu ríkari.

Einfalt. Skaginn færist bara fjar fallbaráttunni sem margir sáu fyrir sér eftir sex umferðir og spurning hvort þeir ætli að blanda sér í Evrópu baráttu. ÍBV hins vegar ekki búið að vinna leik í deildinni síðan 4.júní. Gætu dregist inní fallbaráttuna ef þeir fara ekki að vinna leiki.

Sören Andreasen átti mjög dapran dag. Sást nánast ekki í leiknum og þegar það gerðist þá var það ekki merkilegt. Verðum að gera meiri kröfur en þetta til atvinnumanna sem hingað koma.

Átti ekki sinn besta dag hann Þorvaldur. Var kannski ekkert arfa slakur en ég dreg hann niður fyrir þetta rauða spjald. Samkvæmt minni bestu vitund var þetta alla vega rangur dómur.