Elvar Geir Magnússon @elvargeir

Textalýsing Skýrslan Viðtöl

Hvað réði úrslitum? Blikum tókst illa að opna Fylkisliðið. Sköpunarmáttinn vantaði algjörlega hjá heimamönnum gegn öflugum varnarmúr Árbæinga. Bestu leikmenn 1. Sonni Ragnar Nattestad - Fylkir Færeyski miðvörðurinn kom öflugur inn í Fylkisliðið en hann kom á láni frá FH. Hæðin á honum nýttist gríðarlega vel og hann vann ófáa skallaboltana. 2. Damir Muminovic - Breiðablik Damir hefur verið einn allra besti leikmaður tímabilsins og hann heldur áfram að sýna hversu öflugur hann er. Hefur sýnt gríðarlegan stöðugleika og hlýtur atvinnumennskan að vera nálægt. Skoraði mark Blika í dag. Atvikið Blikar virtust enn vera í skýjunum með að hafa komist yfir þegar þeir fengu mark beint í andlitið. Kópavogsliðið er með eitt öflugasta lið landsins og eiga ekki að fá svona mörk á sig. Hugurinn var ekki á réttum stað.

Hvað þýða úrslitin? Fylkismenn líta á þetta sem stig unnið í fallbaráttunni. Liðið gaf ekki mörg færi á sér og var alltaf líklegt til að ógna úr skyndisóknum. Árbæjarliðið er í erfiðri stöðu en ekki ómögulegri. Ef Blikar ætla sér að berjast um titilinn er slys að vinna ekki lið í fallsæti á heimavelli. Það vita þeir vel. Heimavöllurinn ekki verið að gefa mikið. Vondur dagur Breiðabliki gekk illa að skapa sér opin færi. Menn með gæði í þeim hlutum eins og Árni Vilhjálmsson, Arnþór Ari Atlason, Daniel Bamberg og Atli Sigurjónsson geta svo miklu betur. Dómarinn - 7 Erlendur var mjög fínn í kvöld þó hann hafi ekki sýnt sína bestu frammistöðu. Vantaði aðeins upp á samræmið á köflum.