Elvar Geir Magnússon @elvargeir

Textalýsing Skýrslan Viðtöl

Hvað réði úrslitum? Blikar voru sterkara liðið stærstan hluta leiksins en það er sama sagan hjá þeim grænu. Þeim gengur bölvanlega að skora mörk og nýta færin sín. KR-ingr voru lítið að skapa sér en fundu taktinn betur undir lokin. Bestu leikmenn 1. Morten Beck - KR Bakvörðurinn skemmtilegi lagði upp mark KR með magnaðri fyrirgjöf. Á þeim kafla sem KR-ingar voru hættulegastir var hann í aðalhlutverki í áætlunarferðum sínum. 2. Gísli Eyjólfsson - Breiðablik Flottur leikur hjá Gísla. Gríðarlega duglegur og bestur í Blikaliðinu meðan hann spilaði. Atvikið Damir Muminovic var stálheppinn að skora ekki sigurmark KR með sjálfsmarki. Skaut í stöngina á eigin marki í uppbótartíma!

Hvað þýða úrslitin? Blikar misstu af því að komast upp í annað sætið. Blikar eru fjórum stigum á undan KR-ingum. Vondur dagur Stefán Logi Magnússon markvörður KR-inga gerði strangheiðarlegar tilraunir til að slá í gegn á Youtube. Átti stórundarlagt kast úr markinu og fór einnig í glórulausa skógarferð. Stálheppinn að vera ekki refsað. Dómarinn - 8 Blikar voru ekki sáttir við dýfuspjaldið sem Gísli fékk en annars er lítið hægt að kvarta undan Erlendi í kvöld. Vítaspyrnudómurinn hárréttur hjá tríóinu.