Jafntefli hefði verið sanngjörn úrslit hér í víkinni í kvöld.Víkingar voru ekkert sérstakir í þessum leik, en þeir sýndu góðan karakter með því að sigra hér í kvöld eftir skellinn á Hlíðarenda.

Markið hjá Tufegdzic undir lok leiks sem skilaði Vikingum sigri í kvöld. Víkingar sköpuðu sér afar fá færi í seinni hálfleik og því ansi dýrmætt fyrir þá að skora þetta mark undir lok leiks.

Eyjamenn eru ekki allveg sloppnir úr fallbaráttunni eftir þessi svekkjandi úrslit og eru einungis fjórum stigum frá Fylki. Víkingar náðu hinsvegar að bjarga andlitinu eftir 0-7 tap gegn Val í síðustu umferð.

Mikkel Maigaard Jakobsen heillaði mig ekki í kvöld var mikið í því að missa boltann og tók of margar snertingar.

Dómari leiksins gerði engin stór mistök en var heldur spjaldaglaður og fannst hann ekki allveg halda sömu línu út leikinn.