Elvar Geir Magnússon @elvargeir

Textalýsing Skýrslan Viðtöl

Hvað réði úrslitum? Leikur tveggja hálfleika sagði einhver. FH-ingar réðu illa við pressu Breiðabliks en gestirnir nýttu það ekki nægilega vel. Í seinni hálfleik náðu meistararnir tökunum og voru í lokin nær sigurmarkinu. Jafntefli sanngjörn úrslit. Bestu leikmenn 1. Böðvar Böðvarsson - FH Böddi löpp var mjög kraftmikill í bakverðinum og skilaði stoðsendingu á vin sinn Kristján Flóka Finnbogason. Þeir fögnuðu því auðvitað innilega. 2. Kassim Doumbia - FH Hefur fengið talsverða gagnrýni í sumar en fær hana ekki eftir þessum leik. Afskaplega öflugur í hjarta varnarinnar. Atvikið Breiðablik fékk dauðafæri til að komast yfir eftir nokkrar sekúndur í leiknum. Varnarmistök og skyndilega var Árni Vilhjálmsson einn gegn markverði FH en þrumaði boltanum yfir. Hefði verið fróðlegt að sjá þróun leiksins hefði þarna komið mark.

Hvað þýða úrslitin? Ekkert mun stöðva FH-inga í leið þeirra að Íslandsmeistaratitlinum. Þeir virða svo sannarlega stigið úr þessum leik sem gaf þeim stórt skref í átt að titlinum. Einbeiting Breiðabliks fer núna í Evrópubaráttu og hún er svo sannarlega hörð! Vondur dagur Bergsveinn Ólafsson var ekki rétt gíraður þegar hann mætti til leiks. Hann átti sök á marki Blika og hafði vel getað kostað fleiri mörk. Honum til happs voru félagar hans í vörninni allir með hausinn rétt skrúfaðan á. Leikur Begga batnaði þó mikið í seinni hálfleiks. Dómarinn - 10 Alls ekki auðveldur leikur að dæma en Vilhjálmur Alvar hélt línunni frábærlega. Leyfði töluvert og það vilja áhorfendur! Mjög gott kvöld hjá Vilhjálmi sem hefur stimplað sig í flokk okkar allra bestu dómara.