Magnús Þór Jónsson @maggimark

Textalýsing Skýrslan Viðtöl

Hvað réði úrslitum? Gæði í sóknarleik Blika skáru hér úr. Fyrsta markið vel teiknað í gegnum vörn heimamanna og síðari hálfleikurinn sýndi skyndisóknahæfileika Blikanna vel. Bestu leikmenn 1. Árni Vilhjálmsson Þvílíkur leikur hjá Árna. Tvö frábær mörk og stoðsending. Strákur nú kominn með 6 mörk í 8 leikjum. Þvílík sending sem Blikum barst að fá strákinn heim. Pínu fúlt að hann fékk ekki að klára leikinn, en auðvitað verið að hvíla hann fyrir næstu átök skammt undan. 2. Gísli Eyjólfsson Flott mark og átti þátt í flestum sóknum Blikanna, fullur af sjálfstrausti og orku. Atvikið Upp úr hornspyrnu Valsmanna var Árni Vilhjálms búinn að stinga boltanum framhjá Rasmus á miðjum vellinum og sloppinn í gegn. Rasmus felldi hann allharkalega og fékk fyrir það rautt spjald. Þrátt fyrir góða baráttu Valsara og mikinn vilja þá einfaldlega kláraði þetta atvik leikinn.

Hvað þýða úrslitin? Blikar tylla sér í annað sætið og færast nær sæti í Evrópukeppni á næsta ári, eru komnir í verulega góða stöðu í þeirri baráttu. Bikarmeistararnir í Val hafa nú misst forystuna um silfrið eftir sitt fyrsta tap síðan 17.júlí. Vondur dagur Rasmus horfir ekki svo glatt á Pepsimörkin að þessu sinni. Var í vandræðum varnarlega allt þar til á 45.mínútu að hann braut af sér og var sendur í sturtu. Dómarinn - 9,5 Gunnar stjórnaði þessum leik algerlega. Hann var ekki í nokkrum vafa með brottvísunina og fór áreynslulaust um svæðið. Fengi 10,0 ef hann hefði ekki flautað og dæmt rangstöðu þegar boltinn var kominn yfir endalínu. Fagmennska heitir þetta!