Magnús Már Einarsson @maggimar

Textalýsing Skýrslan Viðtöl

Hvað réði úrslitum? Klaufaskapur Eyjamanna kom í veg fyrir að þeir færu með öll stigin heim í Lóðsbátnum. ÍBV spilaði með fimm manna vörn og fyrir utan markið fengu Blikar varla færi. Mark Blika kom eftir klauafagang hjá Eyjamönnum og á hinum enda vallarins hefðu sóknarmenn ÍBV átt að gera nokkrum sinnum betur, sérstaklega í síðari hálfleik. Bestu leikmenn 1. Hafsteinn Briem Duglegur að skora gegn Blikum og gerði það með hörkuskalla í dag. Frábær í vörninni allan leikinn. 2. Aron Bjarnason Var mjög sprækur allan leikinn og setti varnarmenn Blika í alls konar vandræði. Aron náði hins vegar ekki að skora og samherjar hans náðu ekki að nýta færin sem hann var að skapa. Atvikið Uxinn, Elvar Ingi Vignisson, kom inn á sem varamaður á 70. mínútu og lét til sín taka mínútu síðar. Hann sýndi styrk sinn með því að hafa betur í baráttu við Elfar Helgason. Í kjölfarið átti uxinn skot í stöngina og boltinn dansaði eftir línunni. Mark þarna hefði verið risastórt fyrir Eyjamenn í fallbaráttunni.

Hvað þýða úrslitin? FH-ingar eru Íslandsmeistarar en Blikar eru í 2. sæti, stigi á undan Fjölni. Framundan eru leikir við ÍA og Fjölni sem skera úr um Evrópudrauma Blika. ÍBV er eftir jafnteflið stigi á undan Fylki í fallbaráttunni en Eyjamenn eiga eftir leiki við Val og FH. Vondur dagur Leikmenn Breiðabliks áttu ekki góðan dag og Arnar Grétarsson sagði eftir leik að hann hefði getað notað ellefu skiptingar í fyrri hálfleik. Hann notaði tvær í hálfleik en þá komu Ellert Hreinsson og Arnþór Ari Atlason af velli. Þeir sáust varla í fyrri hálfleiknum og vilja líklega gleyma þessum leik sem fyrst. Dómarinn - 8 Eyjamenn vildu nokkrum sinnum fá vítaspyrnu í síðari hálfleik en Vilhjálmur neitaði í öll skiptin, að því er virtist réttilega. Hefði mátt nota gula spjaldið aðeins oftar. Að öðru leyti flottur leikur.