Kristófer Kristjánsson @Krischanz

Textalýsing Skýrslan

Hvað réði úrslitum? Breiðablik var alltaf númeri of stórt fyrir Inkasso liðið frá Fáskrúðsfirði en sigurinn hefði ekki þurft að vera svona stór. Varamarkvörður Leiknismanna, Amir Mehica, átti dapran dag milli stanganna en hann hélt brunaútsölu og gaf þrjú mörk. Bestu leikmenn 1. Hrvoje Tokic Skoraði tvö mörk og var alltaf graður á boltann í framlínu Breiðabliks. 2. Aron Bjarnason Átti afar góða innkomu, skoraði mark og átti fína stoðsendingu þennan hálfleik sem hann spilaði. Atvikið Robert Winogrodzki, nýr markmaður Leiknis F, fór útaf eftir um hálftíma leik, sennilega puttabrotinn. Eru þetta afar vond tíðindi fyrir Inkasso liðið en hann hafði verið gífurlega öflugur í markinu undanfarið.

Hvað þýða úrslitin? Breiðablik vinnur riðilinn á markatölu og er því komið í 8-liða úrslit Lengjubikarsins en þar mætir liðið FH. Vondur dagur Amir Mehica, varamarkmaður Leiknis F., bjástraði við öll sín verkefni í markinu í dag. Markið sem hann gaf Aron Bjarna var hinsvegar ekki bara vegna slæmra mistaka heldur hefði svo auðveldlega verið hægt að komast hjá því. Þegar þú ert búinn að gefa tvö mörk sem markmaður skaltu byrja að hreinsa í fyrsta, ekki gaufa á boltanum. Dómarinn - 7 Sigurður Óli þurfti ekki mikið að hafa sig fram í dag. Hefði hugsanlega átt að senda Jesus Guerrero Suarez í bað í fyrri hálfleik en kannski heppilegt að hann hafi slept því í ljósi úrslitanna.