Þetta var mjög jafn leikur þar sem skallamark Hauks Páls eftir hornspyrnu réði úrslitum. FH-ingar náðu ekki að skapa sér nægilega mörg færi í seinni hálfleiknum.

Hornspyrna Nicolas Bogild rataði á kollinn á Hauki Páli Sigurðssyni sem hafði hrist af sér Emil Pálsson í baráttunni í teignum. Markið sem réði úrslitum.

Valsmenn hrósa sigri í Meistarakeppni KSÍ í tíunda sinn en þeir eru sigursælasta lið keppninnar. FH-ingum vantaði Kassim Doumbia og breytti því í 4-3-3 kerfið á ný. Alvaran hefst á sunnudaginn í Pepsi-deildinni þar sem FH mun mæta ÍA á Skaganum og Valur fær Víking Ólafsvík í heimsókn.

Kristján Flóki Finnbogason klúðraði dauðafæri til að jafna metin. Margir eru að spá honum velgengni í markaskorun í sumar og fróðlegt að sjá hvort hann standist væntingar. Þá þarf hann allavega að nýta svona færi.

Ívar Orri var ekki mjög áberandi í leiknum og það er kostur hjá dómara.