KA-menn voru samstilltir, peppaðir og vel skipulagðir af Túfa. Þeir voru tilbúnir í stóru stundina. Leikgleðin virtist miklu meiri en hjá Blikum sem voru ákaflega brothættir varnarlega og hugmyndasnauðir sóknarlega.

Þegar KA braut ísinn og komst yfir með marki Darko Bulatovic. Vörn Blika leit mjög illa út og liðið allt virtist vera í losti eftir að markið kom. Breiðablik náði engan veginn að vinna sig út úr því að lenda undir.

KA sendi ákveðin skilaboð með frammistöðu sinni í fyrsta leik. Andleysi Blika hringir mörgum viðvörunarbjöllum hjá liði sem ætlar sér Evrópusæti.

Nýja sóknarlína Blika náði engan veginn saman og allir þrír féllu rækilega á prófinu. Eins og í fyrra var lítið að frétta fram á við og heimavöllurinn ekki að virka. Tilraunin að setja Gísla Eyjólfsson í miðvörð virkaði ekki, helsti styrkleiki Breiðabliks hefur verið varnarleikurinn en allt skalf og nötraði í öftustu línu í dag og Gunnleifur var ekki öruggur fyrir aftan.

Fín frammistaða hjá Ívari Orra. Nokkur atvik sem maður setur spurningamerki við en þau voru fá og skiptu ekki sköpum í þessum leik.