Gæði leikmannahóps Breiðabliks. Fylkisliðið setti meira hjarta í þetta í kvöld en það dugði ekki til. Blikar stjórnuðu leiknum hægt en örugglega en það vantaði broddinn í sóknarleik þeirra og þær áttu í erfiðleikum með að ganga frá leiknum. Það hafðist þó að lokum með þolinmæði og úrslitin sanngjörn.

Ísbrjóturinn. Það tók Blika 36 mínútur að skora fyrsta markið. Það kom eftir góðan undirbúning Svövu og hárnákvæma stungusendingu Rakelar fyrirliða. Hún þræddi boltann fallega á milli varnarmanna og beint fyrir Berglindi Björg sem kláraði með vinstri.

Breiðablik heldur áfram að elta topplið Þór/KA sem heldur sínu þriggja stiga forskoti. Fylkisliðið er að tapa þriðja leiknum í röð og situr í 8. sæti með 3 stig. Haukar og KR hafa enn ekki unnið leik en það gæti breyst hvenær sem er og Fylkir þarf að fara að sækja stig ætli liðið að stinga botnliðin af.

Hulda Sigurðardóttir var ekki upp á sitt besta í dag og komst ekki í takt við leikinn. Lenti í basli við að losa sig við boltann og var stundum gripin í viðbragðabolta.

Mér sýndist Bríet og co. vera með stóru atriðin á hreinu en aukaspyrnurnar úti á miðjum velli hefðu átt að vera fleiri.