Einbeitingarleysi í vörn ÍR. Lifðu af erfiðan fyrri hálfleik og komast svo yfir í þeim seinni og voru í séns á að sækja fyrsta deildarsigur sumarsins en Framarar skora tvö mörk eftir slysalegan varnarleik.

Sigurmarkið. Brynjar Kristmundsson hafði verið inn á í rúma mínútu í sínum fyrsta leik í sumar þegar hann skoraði með nánast síðustu spyrnu leiksins.

Framarar eru komnir í annað sæti Inkasso deildarinnar og eru enn ósigraðir. Liðinu var spáð sæti um miðja deild en gætu þeir komið á óvart og blandað sér í toppbaráttuna?

Leiðinlegt að lasta þá Andra, Má, Jordan og Axel Kára í vörn ÍR því þeir voru agaðir og skipulagðir lengst af í leiknum í kvöld. En á stórum mómentum klikkuðu þeir og þannig komu mörk Framara í dag. ÍRingar þurfa að spila vel í 90 mínútur til að sækja stig í þessari deild.

Þorvaldur var með öll tök á leiknum í kvöld. Gerði vel í að beita hagnaðinum í lokin þegar Fram skoraði sigurmarkið.