Stjarnan var betri á öllum sviðum fótboltans. Fyrir utan mark Fjölnis þá gaf vörn Stjörnunnar fá færi á sig. Sóknarlega voru Stjörnumenn frábærir og þeir Hilmar Árni og Jósef ógnuðu mikið vinstra megin. Guðjón Baldvinsson og Hólmbert Aron Friðjónsson eru síðan báðir komnir með fjögur mörk í fyrstu fimm umferðunum. Þeir eru að skora meira en í fyrra og það telur.

Fyrsta mark Stjörnunnar kom snemma leiks eftir laglega sókn upp vinstri kantinn. Guðjón Baldvinsson batt endahnútinn með laglegri hælspyrnu. Eftir þetta hafði Stjarnan leikinn í höndum sér allan tímann.

Stjörnumenn eru einir á toppi deildarinnar með 13 stig eftir fimm umferðir. Fjölnismenn eru með sjö stig um miðja deild.

Birnir Snær Ingason og Bojan Stefán Ljubicic komust lítið áleiðis á köntunum hjá Fjölni. Hafa báðir átt mun betri daga. Þeim var báðum skipt af velli í síðari hálfleik.

Skilaði ágætu starfi í leik sem bauð upp á fá vafaatriði. Torfi Tímoteus var heppinn að sleppa þegar hann togaði í Baldur Sig þegar hann var að sleppa í gegn. Aukaspyrna og jafnvel rautt spjald hefði getað litið dagsins ljós þar Ívar dæmdi ekkert.