Fylkir náði ekki að nýta sér yfirburði sína undir lok fyrri hálfleiks til að jafna og eftir því sem leið á seinni hálfleikinn fóru sendingar að klikka meira og meira. KR voru líklegri til að bæta í eftir þriðja mark sitt en Fylkir að minnka muninn.

Tvöföld skipting Fylkis eftir 37 mínútur og markið sem kom strax í næstu sókn. Allt annað að sjá liðið eftir það.

KR er ekki nema stigi frá því að koma sér uppúr fallsæti á kostnað Fylkis. Árbæingar ekki búnir að ná í nema eitt stig í síðust sex leikjum og hljóta að vera farnir að hafa miklar áhyggjur af stöðu liðsins.

Ásta Vigdís markmaður Fylkis hefur átt betri daga. Var með höndina vel í boltanum í öðru marki KR en leyfði honum að leka inn og virkaði óörugg eftir það.

Hafði lítið að gera, gerði engin stór mistök.