Leikmenn Víkings Ó. mættu grimmar til leiks og ætluðu sér greinilega eitthvað útúr þessum leik en náðu þó ekki að skapa sér nægilega góð færi. Þróttarstúlkur unnu sig meira og meira inní leikinn eftir því sem leið á og voru líklegri til að setja mark. Það tókst þeim loksins á lokamínútu leiksins og þetta eina mark dugði þeim til sigurs.

Sigurmarkið sem kom á lokamínútu leiksins.

Þróttur er nú með 6 stig og lyftir sér uppí 4.-5. sæti deildarinnar með jafnmörg stig og sömu markatölu og Keflavík. Víkingur Ó. situr áfram í 9. sæti deildarinnar með einungis 1 stig og hafa enn ekki náð að setja mark í deildinni.

Sigrún Pálsdóttir, fyrirliði Víkings Ó., var óheppin og meiddist í samstuði. Hún reyndi að halda áfram leik en þurfti að fara útaf eftir 35 mínútna leik. Erfitt fyrir fyrirliðann að geta ekki farið fyrir sínu liði í svona baráttuleik.

Þurfti ekki að taka neinar stórar ákvarðanir en sleppti nokkrum augljósum aukaspyrnum sem hefði mátt flauta.