Byrjun Valsmanna gerði þetta mjög erfitt fyrir heimastúlkur sem hreinlega mættu ekki í byrjun leiks. Gæði Valsstelpna voru bara töluvert meiri og á endanum skildi það á milli.

Heiða Rakel fær dauðafæri í stöðunni 2-0 fyrir Val þegar hún skallar boltann yfir gjörsamlega óvölduð við markteig. Valsstúlkur fara upp í næstu sókn og skora þriðja markið með nánast síðustu spyrnu fyrri hálfleiks. Blóðugt fyrir Hauka.

Haukar sitja ennþá á botninum með eitt stig eftir sjö leiki. Valur situr ennþá í 5.sæti deildarinnar en núna með tólf stig og kemur sér nær baráttunni í efri hlutanum.

Hafsentar Hauka voru í veseni, sérstaklega í fyrri hálfleik. Kolbrún Tinna réði lítið við hraðann á fremstu þremur leikmönnum Vals og það sama má segja um Sólveigu Halldóru. Vienna Behnke var einnig ósýnileg í liði Hauka sem er áhyggjuefni fyrir þær.

Náðugur dagur hjá Steinari. Spjöldin ódýr í annars prúðum leik. Vítaspyrnan hárréttur dómur.