Mörk vinna leiki. ÍBV skoraði 2 á meðan gestirnir skoruðu ekkert. Bæði lið reyndu að spila skemmtilegan fótbolta og var nóg um færi í leiknum.

Cloé vildi fá víti eftir viðskipti sín við Ástu Eir í fyrri hálfleik en ekkert dæmt. Bríet dómari hafði ekki minnsta áhuga á því.

Blikasigur hefði þýtt að þær hefðu getað breikkað bilið milli sín og ÍBV í heil 8 stig, en í staðinn eru Eyjastúlkur ekki nema 2 stigum á eftir Breiðablik í 4.sæti deildarinnar.

Sóknarleikur Blika. Þær komust oft í ákjósanlegar stöður en það vantaði að klára sóknirnar með skotum á mark. Adelaide í marki ÍBV þurfti nánast aldrei að taka á sínum stóra í þessum leik.

Svo sem ekki mikið sem Bríet þurfti að eiga við í dag. Leyfði leiknum að fljóta ágætlega og engin rosaleg vafaatriði fyrir utan þegar Cloé féll. Ef vítið sem ekki var dæmt var víti, þá lækkar hún aðeins.