Benjamín Þórðarson @BenniThordar

Textalýsing Skýrslan Viðtöl

Hvað réði úrslitum? Hljómar kannski undarlega en það var færanýting Blika sem réði úrslitum. Bæði lið fengu færi til að skora meira í leiknum en Blikar nýttu sín færi betur og því unnu þeir. Bestu leikmenn 1. Arnþór Ari Atlason(Breiðablik) Arnþór Ari var frábær í þessum leik. Skoraði tvö fín mörk og lagði upp fullt af færum í leiknum. Mjög auðvelt val. 2. Höskuldur Gunnlaugsson(Breiðablik) Höskuldur var líka virkilega flottur í þessum leik. Lagði upp nokkur færi og var sprækur á kantinum. Atvikið Dauðafærið sem Tryggvi klúðraði á 11.mínútu leiksins. Hefði getað breytt stöðunni í 1-2 og spurning hvað hefði gerst þá.

Hvað þýða úrslitin? Blikar lyfta sér örlítið upp töfluna eftir þriðja sigurinn í röð og eru bara fjórum stigum frá toppsætinu en Skagamenn sitja áfram í fallsæti. Vondur dagur Það er ekki annað hægt en að velja varnarleikinn hjá ÍA. Hann er búinn að vera mjög slakur í sumar og var það enn eina ferðina í dag. Blikar komst trekk í trekk í gegn og hefðu getað skorað mun fleiri mörk. Dómarinn - 9 Solid nía á Jarlinn. Nákvæmlega ekkert út á hann að setja í dag.