Daníel Geir Moritz @DanelGeirMoritz

Textalýsing Skýrslan Viðtöl

Hvað réði úrslitum? Ótrúlegt sigurmark Vals réði úrslitum í leik sem stefndi í jafntefli. Einar Karl með góða aukaspyrnu á Bjarna sem var aleinn. Þetta réði einfaldlega úrslitum í frábærum leik. Ekki bara dramatíkst mark heldur mjög nett í þokkabót! Bestu leikmenn 1. Bjarni Ólafur Eiríksson Stóð fyrir sínu í vörninni og tók virkan þátt í sóknarleik Vals. Vann aukaspyrnuna í sigurmarkinu og skoraði síðan sigurmarkið. Þess utan lagði hann upp fyrra mark Vals. 2. Gunnleifur Gunnleifsson Fékk vissulega á sig tvö mörk en varði nokkrum sinnum glæsilega. Mörkin skrifast ekki á Gulla. Gömlu mennirnir áttu því glæsileik á Kópavogsvelli í kvöld. Atvikið Enn eitt flautumarkið þetta sumarið er atvik leiksins. Bjarni með gullskalla. Þetta Íslandsmót stefnir í að verða það skemmtilegasta í manna minnum!

Hvað þýða úrslitin? Milos getur tapað í grænu. Fyrsti tapleikur hans með Breiðablik. Valsmenn sitja nú einir í toppsætinu í allavega sólarhring. Nú eru 7 leikir búnir og Blikar aðeins fengið stig í þremur þeirra. Þetta er líka fysti Vals á Blikum í deildinni síðan 2011! Mögnuð staðreynd. Vondur dagur Haukur Páll átti vondan dag þar sem hann fékk heilahristing og kastaði lítillega upp á völlinn. Tokic var líka afleitur í síðari hálfleik en hefði kannski getað fengið meiri þjónustu. Dómarinn - 6 Beitti oft hagnaði of seint og hafði það neikvæð áhrif á leikinn. Hann hefði líka átt að reka Tokic út af í lokin þegar hann varði sendingu með hendinni á gulu spjaldi. Ákvarðanir voru oftast réttar að manni fannst en takturinn frekar skrýtinn í leiknum.