Stjarnan var miklu meira með boltann í fyrri hálfleik, þær sköpuðu sér mikið og komu með verðskuldaða forystu inn í hálfleikinn. Fylkir kom hins vegar sterkari til leiks í seinni hálfleik en þær náðu ekki að nýta sér þau færi sem þær sköpuðu.

Harpa Þorsteinsdóttir var í fyrsta sinn í sumar í byrjunarliði Stjörnunnar og það verður spennandi að sjá hvort hún verði valin í EM hópinn sem verður tilkynntur á fimmtudaginn.

Stjarnan er í 3. sæti aðeins tveimur stigum á eftir Breiðablik sem er í 2. sætinu. Fylkir er hins vegar í bullandi fallbaráttu með 4 stig í níunda og næstsíðasta sæti.

Íslenska veðrið var ekki upp á sitt besta í dag og hafði mikil áhrif á leikinn.

Ekkert út á dómsgæsluna að setja.